!|[ أحلى شفاه ]|!
على صافي شفاتـك حـط فمـي
وذقت من العسل أحلـى طعامـه
وبيـن مصـدق وبيـن متشكـك
قضيت بليـل عينـي مـا تنامـه
سهرت أتذكـرك وأنـا بحضنـك
شعرت اني حضنت احلى حمامـه
وشعرت بصدرها الدافـي كوانـي
وغمرني بحبن أصدق من كلامـه
ياربي يـوم بستـه فـي شفاتـه
خذا عقلـي وصوبنـي سهامـه
وعشـت بعالمـن وقتـه ثوانـي
وذوبنـي بدفـا حبـه وغرامـه
يشوقني وأنـا أدري إنـه يبينـي
ويعذبنـي ولا يخشـى الملامـة
أحبـه لا لمـس كفـي بكـفـه
وأحبه طولن .. وعرضن .. وقامه
واحبه لا ابتسـم راضـي علـيّ
يـا محلاهـا هذيـك الابتسامـة
وأحبه لا اقتـرب منـي بجسمـه
أحـس إنـه يظللنـي بخيـامـه
أحب أتنفـس أنفاسـه ويحكـي
وأحب عدله وطيشـه وانسجامـه
أحبـه فـكـل حـالاتـه لأنــه
وسط صدري تغلغل فـي عظامـه
أنـا واثـق بحبـك يـا حياتـي
بحـلال الحـب ولا فـي حرامـه
شعوري يوم بستك فـي شفاتـك
رضيع بصدر أمـه فـي سلامـه
حبيبن قـدّر احساسـي وصانـه
وفرض حبـه وقـدره واحترامـه
بصونه وأحرس حـدوده بعمـري
وأبي قربـه الـى يـوم القيامـة
موضوع: احلى شفااااااااه 
الأحد أبريل 20, 2008 1:39 pm
