تعبت اوفي مع الخاين تعبت اصدق مع الكذاب

مشرفة عدد الرسائل : 208 تاريخ التسجيل : 12/04/2008

علمته يشيل السيف ويسله فى وجيه اغراب
واول ما قوى شيله رفع سيفه وتحداني

علمته الرمايه زين ولا يتعب ولا يرتاب
واول ما قوت يمناه صوبني ورماني

علمته نظم الشعر ولا يركض ورى الالقاب
واول ما كتب بيتين كتب عني وهجاني

علمته يعاف الغدر ويوفى بوعده للاحباب
واول مافهم قصدي راح بعيد وخلاني

تعبت اوفي مع الخاين تعبت اصدق مع الكذاب
تعبت ارجيه والجاله وهو مايوم قد جاني

تعبت ابني صروح الحلم على شانه شقى واتعاب
ولامره شعر فيني ولا حس باحزاني

غريبه كيف يتجرأ يسوي ما رفضه اجناب
وهو اقرب من النظره لعيوني من اجفاني

انا اللي عشت له ديره عزيزه ما لفاها اغراب
وهو كان الوطن اللي نساني اوطاني

سهرت الليل لعيونه رغم نوم علي غلاب
مع هذا صبرت وقلت من شانه انا اعاني

عيوني تنثر الدمعه وظني للاسف قد خاب
وقلبي مات فى سجنه يوم الحب سجاني

تموت افراح هالدنيا وانا كلي بقايا سراب
من هموم تعل القلب تشمت فيني عدواني

هناهم لا شافو عيني تسهر فى رجئ الاقراب
وبكايا عندهم يعني بقايا عزف الحاني

سبب حالي خوي الدرب شمت فيني الاغراب
تركني بوحدتي اشقى بصده لي وهجراني

زمن ما يعترف بالذنب ولا يستغفر التواب
زمن لا جارت ظروفه تغربل كل اكواني

انا عمري غدى تاريخ تضمه دفتين كتاب
على صدره كتب وافي وكان الحزن عنواني

اشرح فيه معاناتي عبره يااولي الالباب
نهايتها ضياع العمر بتدريس صبياني

هذى قصتي باقسى مشاهد عشتها فى عذاب
بطلها شخص حبيته وبعدها راح وخلاني